الغة العربية اليوم

الكاتب /

Ahmed Emam

الموقع / جروب بيت العيلة على الفيس بوك

اللغة العربية ....... لغة الضاد ......... لغة القرأن الكريم ....... لغتى و لغتك و لغة 22 دولة هو العالم ( العربى ) يا ترى إحنا لسة فاكرين ولا نسينا زى ما نسونا حجات كتير .......

زى ما نسونا العادات و التقاليد ..... ولا زى ما نسونا الوطن و الدين ..... عشان نبقى كلنا مغيبين ....... بيس و باى و هاى و ناو و هللو ...... طب مالها السلام عليكم و حاضر و إن شاء اللة و دلوقتى ...... أنت أصلا عربى !!

لما يبقى فى ناس عمالة تتكلم إنجليزى و بس و الباقى يا بيتكلم بالإنجليزى ساعات يا إما فالسات يبقى لازم نفوق و نعرف أد إية إن الموضوع ماعتش كلمة بتتقال و السلام لأ دى حرب الأفكار ابتدت و اللى متمسك بعاداته و لغته هو اللى هينتصر فالحرب دى اللغة العربية اللى جدودنا ماتوا فى الحروب زمان عشان ينشروها جاه الوقت اللى يبقى جوا الوطن ناس إنجليز و هم أصلهم عربى و مصريين !! 

يا ترى أنت مع مين و هتختار لأيو و هتعمل إية ؟؟ هنفضل بعد الثورة زى ماحنا بدون أى تغيير ؟؟ لازم نتغير صح و نتمسك بلغتنا و عادتنا , 

 

مش بس اللغة العربية لاء ارفع بنطلونك أنت عربى و حاجات كتيييرة أوى هدف الصفحة الأساسى اللغة العربية لكن مفيش مانع نغير حاجات تانية سلبية جوانا !! أوعى تكون فاكر الروشنة إنك " تتأمرك " أنت عربى و لك الفخر بهذا ولو كنت مستعر سيب مكانك يمكن فى يوم ييجى اللى يعرف قيمتها !!

قرأت كمان خبر من فترة على موقع اليوم السلبع مفاده إن إسرائيل ستتقدم بمشروع للكنيست الإسرائيلى لجعل اللغة العبرية هى اللغة الرسمية الوحيدة فى إسرائيل , و من كام يوم واحد صاحبى هو اللى كلمنى فى فكرة لية أصلا نتكلم بالفرانكو مدام كلنا عرب و هو اللى خللانى أنتبه لخطورة الموقف و افتكرت الخبر دا على طول !!

أخيرا هفكركم بقول المولى - عز و جل - " إن الله لا يغير ما بقوم حتى يغيروا ما بأنفسهم " !! هنتحرك ولا لسه هنفضل نايمين و أعداءنا كلهم واضحين !!